Ezagutzak eskuratu
05 Ekintzaile izan
Proposatutako erronkari aurre egiteko, Gizarte-ekonomiaren ezaugarriak kontuan izanik, ekintzaile izan eta kooperatiboki zuen edo komunitatearen beharrizan bati aurre egin behar diozue, alegia, ekintzaile izan behar duzue. Horretarako, lehenik hainbat ekimen edo egitasmo aztertu, eta horietatik ikastea proposatzen dizuegu.
Elkartu bikoteka, eta azter ezazue ekimen bat.
Hautatu, zerrendako ekimen bat edo zuen herriko edo eskualdeko ekimen bat.
Egin DINA3 edo DINA2 neurriko horma-irudi bat, eta bertan aztertutako ekimenari buruzko informazioa deskribatu. Gidalerro gisa, ideia batzuek dituzue hemen:
- Ekimenaren izena eta kokapena.
- Zer zerbitzu edo produktu eskaintzen duten
- Zein den ekimenaren hartzailea
- Ekimenak zer gizarte- edo ingurumen-beharrizani erantzuten dien
- Gizarte-ekonomiarekiko loturak
- ...
Itsatsi horma irudiak gelako paretan.
ZENBAIT EKIMEN
- Landare: consumo responsable, Produktu ekologikoen kontsumitzaileen elkartea
- Lagunaro, Bazkide kooperatibistentzako gizarte babeserako sistema
- IKO, Igeldoko kooperatiba, Igeldoko kontsumo kooperatiba
- Fiare banka etikoa, Finantza etikoan oinarritzen diren proiektuak
- Harreman Denda, Bidezko merkataritza
- Disabled park, minusbaliatuen aparkalekuak bilatzeko
- Inor ez da ilegala, MBOLO kooperatiba laguntzeko kanpaina
- Badoa, bizikleta bidezko banaketa, Txirrinda bidezko banaketa kooperatiba
- Maitelan, gizarte ekimena, zaintza lanei kolektiboki erantzuteko tresna
- Zirkugintza, Urdaibaiko arte eszeniko eta zirko Konpainia
- Etxeko lankide, COVID egoera ikasleei laguntzeko
- Leberri, Ormaiztegiko Letag enpresako langileen kooperatiba
Taldeka, ezagutu ekimen ezberdinak horma-irudiak arretaz aztertuz.
Hautatu interesgarrienak iruditzen zaizkizuen 3 ekimen.
Justifikatu zerk erakarri zaituzten ekimen horiek hautatzeko.
Bildu zuen ideiak Taldearen Koadernoan.